ನಮ್ಮ ಬಗ್ಗೆ

... ವಿಜ್ಞಾನ ವಿಷಯಗಳನ್ನು ಕನ್ನಡಲ್ಲಿ ಹಂಚಿಕೊಳ್ಳುತ್ತಿರುವ ಒಂದು ಶ್ಲಾಘನೀಯ ಪ್ರಯತ್ನ - ಇ-ಜ್ಞಾನ ... ಹಲವಾರು ವಿಚಾರಭರಿತ ಲೇಖನಗಳು, ಸರಳ ಕನ್ನಡದಲ್ಲಿ, ಸುಲಭವಾಗಿ ಅರ್ಥವಾಗುವಂತೆ, ವಿಷಯದ ಮೌಲ್ಯ ಕಳೆಯದಂತೆ, ಇಲ್ಲಿ ಅಚ್ಚುಕಟ್ಟಾಗಿ ಪ್ರಕಟಿಸಲ್ಪಟ್ಟಿವೆ ...

(ಕೆಂಡಸಂಪಿಗೆ ಡಾಟ್ ಕಾಮ್‌ನಿಂದ)

ವಿಜ್ಞಾನ-ತಂತ್ರಜ್ಞಾನ ವಿಷಯಗಳಿಗೆ ಮೀಸಲಾಗಿರುವ ತಾಣ 'ಇಜ್ಞಾನ ಡಾಟ್ ಕಾಮ್'. ವಿಜ್ಞಾನ ವಿಷಯಗಳನ್ನು ಸುಲಭ ಭಾಷೆಯಲ್ಲಿ ಎಲ್ಲರಿಗೂ ತಲುಪಿಸುವ ಮಹತ್ವಾಕಾಂಕ್ಷೆ ಈ ತಾಣದ್ದು. ೨೦೦೭ರಿಂದಲೇ ಜಾಲಲೋಕದಲ್ಲಿ ಸಕ್ರಿಯವಾಗಿರುವ ಇಜ್ಞಾನ ಈವರೆಗೆ ನೂರಾರು ವೈವಿಧ್ಯಮಯ ಬರಹಗಳನ್ನು ಪ್ರಕಟಿಸಿದೆ; ಲಕ್ಷಗಟ್ಟಲೆ ಪೇಜ್‌ವ್ಯೂಗಳನ್ನು ದಾಖಲಿಸಿದೆ.

ಸುದ್ದಿ, ಲೇಖನಗಳು, ಅಂಕಣಗಳು, ಪುಸ್ತಕ ಪರಿಚಯ, ಕಿರಿಯರಿಗಾಗಿಯೇ ವಿಶೇಷ ಬರೆಹಗಳು - ಹೀಗೆ ಇಜ್ಞಾನದಲ್ಲಿ ಅನೇಕ ಬಗೆಯ ಮಾಹಿತಿ ಲಭ್ಯವಿದೆ. ಪುಸ್ತಕಗಳ ಪ್ರಕಟಣೆ ಹಾಗೂ ಕಾರ್ಯಕ್ರಮಗಳ ಆಯೋಜನೆಯಲ್ಲೂ ಇಜ್ಞಾನ ಸಕ್ರಿಯವಾಗಿದೆ. ಅಷ್ಟೇ ಅಲ್ಲ, ಇಜ್ಞಾನದ ಮಾಹಿತಿ ಮೊಬೈಲ್ ಮೂಲಕವೂ (ಡೇಲಿಹಂಟ್ ಆಪ್ ಹಾಗೂ ವ್ಯಾಟ್ಸ್‌ಆಪ್) ಲಭ್ಯವಿದೆ.

೨೦೧೧ರ ಏಪ್ರಿಲ್‌ನಲ್ಲಿ 'ಇಜ್ಞಾನ ಡಾಟ್ ಕಾಮ್' ಆಗಿ ಅನಾವರಣಗೊಂಡ ಈ ತಾಣ ತನ್ನ ಓದುಗರಿಗಾಗಿ ಇದೀಗ ಇನ್ನಷ್ಟು ವೈವಿಧ್ಯಮಯ ಮಾಹಿತಿಯನ್ನು ಹೊತ್ತುತಂದಿದೆ. ಇಜ್ಞಾನ ವಿದ್ಯುನ್ಮಾನ ಸಂಚಿಕೆಯ ಹಲವು ಆಕರ್ಷಕ ಸಂಚಿಕೆಗಳೂ ಪ್ರಕಟವಾಗಿವೆ.

ಇ-ಜ್ಞಾನದ ಮೇಲ್ವಿಚಾರಣೆಯ ಜವಾಬ್ದಾರಿ ನನ್ನದು. ನಾನು ಟಿ. ಜಿ. ಶ್ರೀನಿಧಿ, ಬೆಂಗಳೂರಿನ ಸಾವಿರಾರು ಸಾಫ್ಟ್‌ವೇರಿಗರಲ್ಲಿ ಒಬ್ಬ. ಕನ್ನಡದಲ್ಲಿ ಬರೆಯುವುದು ಹವ್ಯಾಸ. ಈವರೆಗೂ ಪ್ರಕಟವಾಗಿರುವ ಪುಸ್ತಕಗಳು ಹದಿನೈದು, ಬರಹಗಳು ಒಂದು ಸಾವಿರಕ್ಕೂ ಹೆಚ್ಚು. ಒಂದಷ್ಟು ಕಾಲ ವಿಜಯ ಕರ್ನಾಟಕ, ಉಷಾಕಿರಣ, ಸೂರ್ಯೋದಯ, ಉದಯವಾಣಿ, ತುಷಾರ ಪತ್ರಿಕೆಗಳಿಗೆ ಅಂಕಣಕಾರನಾಗಿದ್ದೆ. ಇದೀಗ ವಿಜಯವಾಣಿಯಲ್ಲಿ ನನ್ನ ಅಂಕಣ ಪ್ರಕಟವಾಗುತ್ತಿದೆ. ಶ್ರೀನಿಧಿಯ ಪ್ರಪಂಚವೂ ನನ್ನದೇ ತಾಣ. ವಿಜಯವಾಣಿಯಲ್ಲಿ ಪ್ರಕಟವಾದ ಲೇಖನಸರಣಿ 'ಯಾವುದನ್ ಕೊಳ್ಳಲಿ?' ಇಜ್ಞಾನ ಶಾಪಿಂಗ್ ಸಂಗಾತಿಯಲ್ಲಿ ನಿಮ್ಮ ಮುಂದೆ ಬಂದಿದೆ.

ಇಜ್ಞಾನದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ. ನಿಮ್ಮ ಅನಿಸಿಕೆಗಳನ್ನು ತಿಳಿಸಲು ದಯಮಾಡಿ ಕಮೆಂಟಿಸಿ.