ಟಿ. ಜಿ. ಶ್ರೀನಿಧಿ
ಹಲವು ವರ್ಷಗಳ ಹಿಂದೆ ವಾಹನಗಳ ನಂಬರ್ ಪ್ಲೇಟು ಕಪ್ಪು ಬಣ್ಣದಲ್ಲಿರುತ್ತಿತ್ತು. ಅದರ ಮೇಲೆ ಬಿಳಿಯ ಅಕ್ಷರ ಬರೆಯುವ ಪರಿಪಾಠವನ್ನು ಬದಲಿಸಿ ಆಮೇಲೆ ಯಾವಾಗಲೋ ಬಿಳಿಯ ನಂಬರ್ ಪ್ಲೇಟನ್ನೂ ಕರಿಯ ಅಕ್ಷರಗಳನ್ನೂ ಪರಿಚಯಿಸಲಾಯಿತು.
ಈ ಘಟನೆಯನ್ನು ನೆನಪಿಸುವ ಸಂಗತಿಯೊಂದು ಇದೀಗ ಮೊಬೈಲ್ ಫೋನ್ ಜಗತ್ತಿನಲ್ಲೂ ನಡೆಯುತ್ತಿದೆ. ಬಿಳಿ ಹಿನ್ನೆಲೆಯ ಪರದೆಯ ಮೇಲೆ ಕಪ್ಪು ಅಕ್ಷರಗಳು ಮೂಡುವುದು ಅಲ್ಲಿ ಸಾಮಾನ್ಯ ತಾನೇ? ಈ ಹಳೆಯ ಅಭ್ಯಾಸವನ್ನು ಬದಲಿಸಿಕೊಳ್ಳುತ್ತಿರುವ ಹಲವಾರು ಬಳಕೆದಾರರು ಇದೀಗ ಕಪ್ಪು ಹಿನ್ನೆಲೆಯನ್ನು ಇಷ್ಟಪಡುತ್ತಿದ್ದಾರೆ. ಬೇರೆ ಕಾರಣಗಳೇನೇ ಇರಲಿ, ಇದು ಟೆಕ್ ಲೋಕದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿರುವುದಂತೂ ನಿಜ.